முதல் இன்னிங்ஸில் இங்கிலாந்து ஸ்திரம்

இந்தியாவுக்கு எதிரான 3-ஆவது டெஸ்ட்டில் இங்கிலாந்து முதல் இன்னிங்ஸில் 387 ரன்களுக்கு ஆட்டமிழந்தது.

- 

லண்டன், ஜூலை 11:

அதன் பேட்டர்களில் ஜோ ரூட் சதமடிக்க, லோயர் ஆர்டரில் வந்த ஜேமி ஸ்மித், பிரைடன் கார்ஸ் நிதானமான ஆட்டத்தை வெளிப்படுத்தி இங்கிலாந்தின் ஸ்கோரை பலப்படுத்தினர். அதன் ஸ்கோர் மேலும் அதிகரிக்காத வகையில், முக்கியமான விக்கெட்டுகளை ஜஸ்பிரீத் பும்ராவும், முகமது சிராஜும் சாய்த்தனர்.

லார்ட்ஸ் மைதானத்தில் வியாழக்கிழமை தொடங்கிய ஆட்டத்தில் பேட் செய்த இங்கிலாந்து, முதல் நாள் முடிவில் 4 விக்கெட்டுகள் இழப்புக்கு 251 ரன்கள் சேர்த்திருந்தது. 2-ஆவது நாள் ஆட்டத்தை, பென் ஸ்டோக்ஸுடன் இணைந்து தொடங்கிய ஜோ ரூட், சதத்தை பூர்த்தி செய்தார்.