முதல்வர் பதவி: சித்தராமையா, டி.கே.சிவகுமாருக்கு ஆதரவாக மடாதிபதிகள் கருத்து

கர்நாடக முதல்வர் பதவி தொடர்பாக சித்தராமையா, டி.கே.சிவகுமாருக்கு ஆதரவாக மடாதிபதிகள் பலர் கருத்து தெரிவித்துள்ளனர்.

- 

பெங்களூரு, ஜூலை 7:

2023-இல் காங்கிரஸ் ஆட்சி அமைந்தபோது, காங்கிரஸ் மேலிடத்தின் தலையீட்டின்பேரில் சித்தராமையாவுக்கும், டி.கே.சிவகுமாருக்கும் இடையே இரண்டரை ஆண்டுகளுக்கு சுழல்முறை முதல்வர் என்ற உடன்பாடு எட்டப்பட்டு, முடிவு செய்யப்பட்டதாகக் கூறப்பட்டது.

அதன்படி, சித்தராமையாவின் இரண்டரை ஆண்டுகால பதவிக் காலம் நவம்பரில் முடிவுக்கு வருகிறது. அதன்பிறகு, முதல்வர் பதவிக்காக டி.கே.சிவகுமார் காத்திருக்கிறார். இது தொடர்பாக காங்கிரஸ் தலைவர்கள் யாரும் ஊடகங்களில் பேசக்கூடாது என்று கட்சி மேலிடம் உத்தரவிட்டுள்ளது. இதனால், கடந்த சில நாள்களாக முதல்வர் பதவி குறித்து யாரும் கருத்து சொல்லவில்லை.