சிதம்பரம் நடராஜர் கோயிலில் ஆனித் திருமஞ்சன தரிசனம்

சிதம்பரம் நடராஜர் கோயில் ஆயிரங்கால் மண்டபத்தில் நடைபெற்ற நடராஜமூர்த்தி-சிவகாமசுந்தரி அம்பாள் ஆனித் திருமஞ்சன தரிசன காட்சி.

- 

சிதம்பரம், ஜூலை 2: சிதம்பரம் நடராஜர் கோயில் ஆனித் திருமஞ்சன தரிசன உற்சவத்தையொட்டி, ஸ்ரீநடராஜமூர்த்தியும், ஸ்ரீசிவகாமசுந்தரி அம்பாளும் ஆயிரங்கால் மண்டபத்தின் முன் உள்ள நடனப்பந்தலில் புதன்கிழமை பிற்பகல் 2.50 மணிக்கு நடனமாடி ஆனித் திருமஞ்சன தரிசன காட்சியளித்தனர். இதில், ஆயிரக்கணக்கான பக்தர்கள் பங்கேற்று சுவாமி தரிசனம் செய்தனர்.

நடராஜர் கோயிலில் ஆனித் திருமஞ்சன தரிசன உற்சவம் கடந்த ஜூன் 23-ஆம் தேதி கொடியேற்றத்துடன் தொடங்கியது. விழாவின் முக்கிய நிகழ்வான தேரோட்டம் செவ்வாய்க்கிழமை நடைபெற்றது.