அதிமுக-பாஜக கூட்டணிப் பேச்சு: உறுதிப்படுத்தினார் அமித் ஷா

தமிழகத்தில் அதிமுகவுடன் பாஜக கூட்டணி அமைப்பது தொடர்பாக பேச்சு வார்த்தை நடைபெற்று வருகிறது; சரியான நேரம் வரும்போது, அது குறித்து அறிவிக்கப்படும் என்று மத்திய உள்துறை அமைச்சர் அமித் ஷா தெரிவித்தார்.

- 

புது தில்லி, மார்ச் 29:

தில்லியில் அமித் ஷாவை கடந்த செவ்வாய்க்கிழமை இரவு சந்தித்தபோது கூட்டணி தொடர்பாக பேசவில்லை என அதிமுக பொதுச் செயலர் எடப்பாடி பழனிசாமி தெரிவித்த நிலையில், இரு கட்சிகளுக்கும் கூட்டணிப் பேச்சு நடைபெற்று வருவதை அமித் ஷா உறுதிப்படுத்தியுள்ளார்.

தமிழகத்தில் அடுத்த ஆண்டு சட்டப்பேரவைத் தேர்தல் நடைபெறவிருக்கும் நிலையில் அரசியல் கட்சிகளின் கூட்டணி குறித்த பேச்சுகள் சூடுபிடித்துள்ளன. கடந்த 2021 பேரவைத் தேர்தலில் பாஜகவுடன் கூட்டணியாகப் போட்டி யிட்ட அதிமுக, 2024 மக்களவைத் தேர்தலில் அக்கூட்டணியை முறித்துக் கொண்டது. இரு கட்சிகளும் தனித்தனியாகப் போட்டியிட்டன.

இரு கட்சிகளுக்கும் இடையிலான தீவிர கருத்து வேறுபாடுகளால் கூட்டணி முறிந்த நிலையில், இப்போது மீண்டும் கைகோக்க வாய்ப்புள்ளதாக தகவல்கள் வெளி யாகி வருகின்றன.