பள்ளி, கல்லூரிகளில் கல்வி வளர்ச்சி நாள் கொண்டாட்டம்

திருவாரூர் மாவட்டத்தில் உள்ள பள்ளி, கல்லூரிகளில் முன்னாள் முதல்வர் காமராஜர் பிறந்த நாள் விழா, கல்வி வளர்ச்சி நாளாக செவ்வாய்க்கிழமை கொண்டாடப்பட்டது.

- 

திருவாரூர், ஜூலை 15:

திருவாரூர்: திருவாரூர் அருகே ராமகே பகுதியில் உள்ள நகராட்சி தொடக்கப் பள்ளியில், காங்கிரஸ் கட்சி சார்பில் நடைபெற்ற நிகழ்வில், காமராஜரின் உருவப் படத்துக்கு மாலை அணிவித்து மரியாதை செலுத்தப்பட்டது.

கட்சியின் மாவட்டத் தலைவர் எஸ்.எம்.பி. துரைவேலன் தலைமை வகித்தார். மாவட்டச் செயலாளர் பாஸ்கர் முன்னிலை வகித்தார். மாணவ-மாணவிகளுக்கு கல்வி உபகரணங்கள், இனிப்புகள் வழங்கப்பட்டன.

இதில், மாவட்ட பொதுச் செயலாளர் அன்பு வே. வீரமணி, நகரத்தலைவர் விகேஎஸ். அருள் உள்ளிட்ட பலர் பங்கேற்றனர்.