வட்டாரப் போக்குவரத்து அலுவலர் மனைவியுடன் ரயில்முன் பாய்ந்து தற்கொலை

குடும்பப் பிரச்னை காரணமாக நாமக்கல் அருகே வட்டாரப் போக்குவரத்து அலுவலர் அரசுப் பள்ளி ஆசிரியரான தனது மனைவியுடன் ரயில்முன் பாய்ந்து ஞாயிற்றுக்கிழமை தற்கொலை செய்து கொண்டார்.

- 

நாமக்கல், ஜூலை 6:

நாமக்கல் கலைவாணி நகரைச் சேர்ந்தவர் கே.சுப்பிரமணியன் (54). திருச்சி வட்டாரப் போக்குவரத்து அலுவலகத்தில் பறக்கும் படை பிரிவு அலுவலராகப் பணியாற்றி வந்தார். இவரது மனைவி பிரமிளா (51) மோனூர் அருகே ஆண்டாபுரம் அரசு உயர்நிலைப் பள்ளியில் ஆசிரியராகப் பணியாற்றினார்.

இவர்களுக்கு அமெரிக்காவில் எம்பிஏ படிப்பை முடித்த சம்யுக்தா (25) என்ற மகளும், புதுச்சேரியில் தனியார் மருத்துவக் கல்லூரியில் இரண்டாம் ஆண்டு படிக்கும் ஆதித்யா (21) என்ற மகனும் உள்ளனர்.