போபால் ஆலைக் கழிவுகள் முழுமையாக எரிப்பு

மத்திய பிரதேச மாநிலம், போபாலில் கடந்த 1984-இல் விஷவாயு கசிந்த ஆலையின் நச்சுக் கழிவுகள் அனைத்தும் முழுமையாக எரிக்கப்பட்டு விட்டதாகத் தெரிவிக்கப்பட்டுள்ளது.

- 

இந்தூர், ஜூன் 30:

மத்திய பிரதேசத்தின் பீதம்பூரில் உள்ள தொழிலக கழிவு எரிப்பு ஆலையில் வைத்து 337 டன் கழிவுகளும் எரித்து சாம்பலாக்கப்பட்டன.

போபாலில் இயங்கிவந்த யூனியன் கார்பைட் தயாரிப்பு ஆலையில் கடந்த 1984, டிசம்பர் 2-3-க்கு இடைப்பட்ட இரவில் மெத்தில் ஐசோசயனேட் என்ற விஷவாயு கசிந்தது.

உலகின் மிக மோசமான தொழிலக விபத்துகளில் ஒன்றான இந்தச் சம்பவத்தில் 5,479 பேர் உயிரிழந்தனர். 5 லட்சத்திற்கும் மேற்பட்டோருக்கு உடல்நலப் பாதிப்புகள் ஏற்பட்டன. இதைத் தொடர்ந்து மூடப்பட்ட ஆலையில் கடந்த 40 ஆண்டுகளாக நச்சுக் கழிவுகள் அகற்றப்படாமல் இருந்தன.