அனைத்துத் தேர்தல்களும் சட்டப்படியே நடத்தப்படுகின்றன

ராகுலுக்கு தேர்தல் ஆணையம் கடிதம்

- 

புது தில்லி, ஜூன் 24: நாடாளுமன்றம் இயற்றிய சட்டங்களின்படிதான் அனைத்துத் தேர்தல்களும் நடத்தப்படுகின்றன என்று மக்களவை எதிர்க்கட்சித் தலைவரும், காங்கிரஸ் எம்.பி.யுமான ராகுல் காந்திக்கு தேர்தல் ஆணையம் கடிதம் எழுதியது.

கடந்த ஆண்டு நடைபெற்ற மகாராஷ்டிர சட்டப்பேரவைத் தேர்தலில், அந்த மாநிலத்தில் உள்ள மொத்த வாக்காளர்களைவிட கூடுதல் வாக்குகள் பதிவானதாகவும், தேர்தல் ஆணையம் பாரபட்சத்துடன் செயல்படுவதாகவும் ராகுல் காந்தி குற்றஞ்சாட்டி வருகிறார். இதுதொடர்பாக ஆங்கில நாளிதழ் ஒன்றில், அண்மையில் அவர் கட்டுரை எழுதினார்.