சிந்து நதி ஒப்பந்த நிறுத்த நடவடிக்கையால் தண்ணீர் நெருக்கடி அபாயத்தில் பாகிஸ்தான்!

பாகிஸ்தானுடன் ஆன சிந்து நதி ஒப்பந்தத்தை இந்தியா காலவரையின்றி நிறுத்திவைத்துள்ள நடவடிக்கையால் அந்நாடு கடுமையான தண்ணீர் நெருக்கடியை எதிர்கொள்ளும் அபாயத்தில் உள்ளது.

- நமது சிறப்பு நிருபர்

நமது சிறப்பு நிருபர் புது தில்லி, ஏப் 24:

1960-இல் அப்போதைய இந்திய பிரதமர் ஜவாஹர்லால் நேரு, அப்போதைய பாகிஸ்தான் அதிபர் அயூப் கான் ஆகியோர் முன்னிலையில் இரு நாடுகளுக்கும் இடையே சிந்து நதி நீர் ஒப்பந்தம் கையெழுத்தானது.

பாகிஸ்தானுடன் 1965, 1971-இல் நடந்த போர்கள், 1999-இல் கார்கில் போர் என கடுமையான மோதலை இந்தியா எதிர்கொண்டபோதும் அவை எதுவும் சிந்து நதி ஒப்பந்தத்தின் அமலாக்கத்தை பாதிக்கவில்லை.

ஆனால், இம்முறை அந்த ஒப்பந்தம் காலவரையின்றி நிறுத்தி வைக்கப்பட்டுள்ளது. இந்த நதி சார்ந்த செயல்முறை அமைப்பு, சிந்து நதியை பிரதானமாகவும் அதனுடன் இணைந்த ஐந்து துணை நதிகள் என ஆறு நதிகளை அங்கமாகவும் கொண்டது.

அதாவது, கிழக்கே ஓடும் ரவி, பீஸ், சட்லஜ் நதிகள் இந்தியாவால் கட்டுப்படுத்தப்படுகின்றன. இதே போல, மேற்கே ஜீலம், செனாப், பிரதானசிந்துநதி ஆகியவை பாகிஸ்தானால் கட்டுப்படுத்தப்படுகின்றன.