புரட்டாசியில் வைணவ கோயில்களுக்கு ஆன்மிகப் பயணம் செய்ய விண்ணப்பிக்கலாம்

புரட்டாசி மாதத்தில் வைணவ கோயில்களுக்கு கட்டணமில்லா ஆன்மிகப் பயணம் மேற்கொள்ள விரும்பும் 60 முதல் 70 வயதுக்குள்பட்ட பக்தர்கள் விண்ணப்பிக்கலாம் என அறநிலையத்துறை அமைச்சர் பி.கே.சேகர்பாபு அழைப்பு விடுத்தார்.

- 

சென்னை, ஆக. 23:

இதுகுறித்து அவர் சனிக்கிழமை வெளியிட்ட அறிக்கை:

நிகழ் நிதியாண்டுக்கான இந்து சமய அறநிலையத்துறை மானியக்கோரிக்கையின்போது, புரட்டாசி மாதத்தில் பிரசித்தி பெற்ற வைணவத் திருக்கோயில்களுக்கு ஆண்டுதோறும் 60 வயது முதல் 70 வயதுக்கு உள்பட்ட 1,000 பக்தர்களை ஆன்மிகப் பயணமாக அழைத்துச் செல்லும் திட்டம் கடந்த ஆண்டு முதல் அரசு நிதி மூலம் செயல்படுத்தப்பட்டு வருகிறது.

இந்த ஆண்டு அரசு நிதியில் 2,000 பக்தர்கள் வைணவத் திருக்கோயில்களுக்கு ஆன்மிகப் பயணம் அழைத்துச் செல்லப்படுவர். இதற்கான செலவினத்தொகை ரூ.50 லட்சம் அரசு நிதியாக வழங்கப்படும் என அறிவிக்கப்பட்டது.