தனியார் மருத்துவக் கல்லூரிகளின் எம்பிபிஎஸ் கட்டண விவரம் வெளியீடு

தனியார் மருத்துவக் கல்லூரிகளில் உள்ள எம்பிபிஎஸ் இடங்களுக்கான அரசு ஒதுக்கீடு, நிர்வாக ஒதுக்கீடு மற்றும் வெளிநாடு வாழ் இந்தியர் ஒதுக்கீட்டு இடங்களுக்கான கட்டண விவரங்கள் வெளியிடப்பட்டுள்ளன.

- 

சென்னை, ஜூலை 15:

மருத்துவப் படிப்புகளில் சேரும் மாணவர்கள் கல்லூரிகளைத் தேர்வு செய்வதற்கு முன்பு அதற்கான கட்டண விவரங்களை முழுமையாக அறிந்து கொண்டு முடிவு எடுக்குமாறு மருத்துவக் கல்வி இயக்குநரகம் அறிவுறுத்தியுள்ளது.

தமிழகத்தில் சுயநிதிக் கல்லூரிகளில் 3,450 இடங்களும், தனியார் மருத்துவப் பல்கலைக்கழகங்களில் 550 இடங்களும் எம்பிபிஎஸ் படிப்புகளுக்கு உள்ளன. இவற்றில், 65 சதவீதம் அரசு ஒதுக்கீட்டுக்கும், 35 சதவீதம் நிர்வாக ஒதுக்கீட்டுக்கும் வழங்கப்படுகின்றன.

அந்த இடங்களுக்கான நிகழாண்டு கட்டணத்தை நீதிபதி ஆர்.பொங்கியப்பன், மக்கள் நல்வாழ்வுத் துறைச் செயலர் ப.செந்தில்குமார், டாக்டர் கீதாலட்சுமி, ஆர்.பாலசந்திரன், கே.ஆனந்த கண்ணன் ஆகியோர் அடங்கிய குழு பல்வேறு கட்ட ஆய்வுக்குப் பிறகு இறுதி செய்துள்ளது.