திருப்பூர் மாவட்டத்தில் மேலும் 1.80 லட்சம் லிட்டர் பால் கொள்முதல் செய்ய இலக்கு

அமைச்சர் த.மனோ தங்கராஜ்

- 

திருப்பூர், மே 23: திருப்பூர் மாவட்டத்தில் பால் உற்பத்தியாளர்களிடம் இருந்து மேலும் 1.80 லட்சம் லிட்டர் பால் கொள்முதல் செய்ய இலக்கு நிர்ணயிக்கப்பட்டுள்ளதாக பால்வளத் துறை அமைச்சர் த.மனோ தங்கராஜ் தெரிவித்துள்ளார்.

திருப்பூர் மாவட்ட ஆட்சியர் அலுவலகத்தில் கூட்டுறவு பால் உற்பத்தியாளர்கள் சங்கச் செயலாளர்கள் மற்றும் அனைத்து இணைத் துறை அலுவலர்கள் பங்கேற்ற கலந்தாய்வுக் கூட்டம் வெள்ளிக்கிழமை நடைபெற்றது. இக்கூட்டத்துக்கு மாவட்ட ஆட்சியர் தா.கிறிஸ்துராஜ், பொள்ளாச்சி மக்களவை உறுப்பினர் க.ஈஸ்வரசாமி ஆகியோர் முன்னிலை வகித்தனர்.

இதில் தமிழ் வளர்ச்சி மற்றும் செய்தித் துறை அமைச்சர் மு.பெ.சாமிநாதன், பால்வளத் துறை அமைச்சர் த.மனோ தங்கராஜ் ஆகியோர் தலைமை வகித்து 567 பயனாளிகளுக்கு ரூ.82.47 லட்சம் மதிப்பீட்டில் நலத்திட்ட உதவிகளை வழங்கினர்.