தில்லி நீதிபதி யஷ்வந்த் வர்மா பணியிட மாற்றம்

உச்சநீதிமன்ற கொலீஜியம் பரிந்துரை

- 

புது தில்லி, மார்ச் 24: தில்லி உயர்நீதி மன்ற நீதிபதி யஷ்வந்த் வர்மாவை பணியிட மாற்றம் செய்ய உச்சநீதி மன்ற கொலீஜியம் பரிந்துரை செய்துள்ளது.

கடந்த மார்ச் 14-ஆம் தேதி தில்லி உயர்நீதிமன்ற நீதிபதி யஷ்வந்த் வர்மா வின் அதிகாரபூர்வ இல்லத்தில் தீ விபத்து ஏற்பட்டபோது, அங்கு பாதி எரிந்த மூட்டைகளில், கட்டுக்கட்டாகப் பணம் இருந்தது கண்டறியப்பட்ட தகவல் அண்மையில் வெளியானது.

இந்த விவகாரம் தொடர்பாக தில்லி உயர்நீதிமன்றத் தலைமை நீதிபதி தேவேந்திர குமார் உபாத்யாயவின் விசாரணை அறிக்கை உச்சநீதிமன்ற வலைதளத்தில் வெளியிடப்பட்டது.