உண்மையான இந்தியர் யார் என்பதை உச்சநீதிமன்ற நீதிபதிகள் தீர்மானிக்க முடியாது

ராகுலுக்கு ஆதரவாக பிரியங்கா கருத்து

- 

புது தில்லி, ஆக. 5: 'உண்மையான இந்தியர் யார் என்பதை உச்சநீதிமன்ற நீதிபதிகள் தீர்மானிக்க முடியாது' என்று காங்கிரஸ் பொதுச்செயலர் பிரியங்கா காந்தி விமர்சித்துள்ளார்.

மேலும், தனது சகோதரர் ராகுல் காந்தி ராணுவம் மீது மிகுந்த மரியாதை வைத்திருப்பதாகவும், ராணுவத்துக்கு எதிராக ஒருபோதும் பேசமாட்டார் என்றும் அவர் கூறினார்.

கடந்த 2022-ஆம் ஆண்டு, டிசம்பர் மாதம் நடைபெற்ற இந்திய ஒற்றுமை நடைப்பயணத்தின்போது ராணுவம் குறித்து ராகுல் காந்தி பேசிய கருத்துகள் தொடர்பான வழக்கு, உத்தர பிரதேச மாநிலத்தலைநகர் லக்னௌவில் உள்ள நீதிமன்றத்தில் நடைபெற்று வந்தது.

இந்த வழக்கு விசாரணைக்கு உச்சநீதிமன்றம் திங்கள்கிழமை தடை விதித்ததோடு, ராகுல் ஒரு உண்மையான இந்தியராக இருந்தால், இப்படி பேசியிருக்க மாட்டார் என்றும் விமர்சித்திருந்தது.