இஸ்லாமியர்களின் உரிமைகளுக்கு எதிரானது வக்ஃப் சட்டத் திருத்த மசோதா

வக்ஃப் சட்டத் திருத்த மசோதாவைக் கைவிட வேண்டும் என்று எதிர்க்கட்சி கொறடா எஸ்.பி.வேலுமணி வலியுறுத்தினார்.

- 

சென்னை, மார்ச் 27:

சட்டப்பேரவையில் வக்ஃப் சட்டத் திருத்த மசோதாவுக்கு எதிராக வியாழக்கிழமை கொண்டுவரப்பட்ட தீர்மானத்தின் மீது அவர் பேசியது:

வக்ஃப் வாரிய சட்டத்துக்கு அரசமைப்புச் சட்டத்தின் பாதுகாப்பு வழங்கப்பட்டுள்ளது. கடந்த காலங்களில் செய்யப்பட்ட திருத்தங்கள் அனைத்தும் இஸ்லாமிய சமுதாயத்தினரின் முழுமனதுடன் செய்யப்பட்டன. ஆனால், இப்போது மத்திய அரசு உத்தேசித்துள்ள திருத்தங்கள் வக்ஃப் வாரிய சட்டத்தின் அடிப்படையையே தகர்ப்பதாக உள்ளது.