ரஷிய எண்ணெயால் இந்தியாவுக்கு பெரிய லாபம் இல்லை!

ஆய்வறிக்கையில் தகவல்

- 

புது தில்லி, ஆக. 28: ரஷியாவில் இருந்து குறைந்த விலையில் கச்சா எண்ணெய் இறக்குமதி செய்வதால் இந்தியாவுக்குக் கிடைக்கும் லாபம் மிகைப்படுத்தப்பட்டுள்ளது என்றும், உண்மையான சேமிப்பு ஆண்டுக்கு 250 கோடி டாலர்கள் மட்டுமே என்றும் ஒரு தனியார் நிறுவன ஆய்வு அறிக்கை தெரிவித்துள்ளது.

'சிஎல்எஸ்ஏ' எனும் தனியார் சந்தை முதலீட்டு நிறுவனம் வெளியிட்ட இந்த அறிக்கையின்படி, ரஷிய கச்சா எண்ணெய் இறக்குமதியால் இந்தியாவுக்கு கிடைக்கும் பலன்கள், ஊடகங்களில் வெளியான மதிப்பீடுகளை விட மிகக் குறைவு. இந்தியாவின் லாபம் 1,000 முதல் 2,500 கோடி டாலர் வரை இருக்கலாம் என்று கணிக்கப்பட்டு இருந்த நிலையில், உண்மையில் அது ஆண்டுக்கு 250 கோடி டாலர் மட்டுமே என்று அறிக்கை குறிப்பிட்டுள்ளது. இது இந்திய மொத்த உள்நாட்டு உற்பத்தியில் (ஜிடிபி) வெறும் 0.6 சதவீதம் மட்டுமே என்றும் அந்த ஆய்வு கணக்கிட்டுள்ளது.