பதவிப் பறிப்பு மசோதா: எதிர்க்கட்சிகள் கண்டனம்

தீவிர குற்றப் புகாரில் சிக்கும் பிரதமர், மாநில முதல்வர்கள் மற்றும் அமைச்சர்களை பதவியிலிருந்து நீக்கம் செய்யும் சட்ட மசோதாவுக்கு எதிர்க்கட்சிகள் எதிர்ப்பும் கண்டனமும் தெரிவித்தன.

- 

புது தில்லி, ஆக.20:

மன்னராட்சி காலத்துக்கு தள்ளும் முயற்சி - ராகுல்: 'விரும்பிய நபரை கைது செய்யும் நடைமுறை இருந்த மன்னராட்சி காலத்துக்கு இந்த பதவி பறிப்பு மசோதா நாட்டை தள்ளும்' என்று மக்களவை எதிர்க்கட்சித் தலைவர் ராகுல் காந்தி விமர்சித்தார்.

மேலும், 'மத்திய அரசுக்கு ஒருவரைப் பிடிக்கவில்லை என்றால், ஜனநாயக முறையில் தேர்ந்தெடுக்கப்பட்ட அந்த நபர் மீது அமலாக்கத் துறை மூலம் வழக்குப் பதிவு செய்யப்பட்டு 30 நாள்களுக்குப் பிறகு பதவியிலிருந்து நீக்கப்பட்டுவிடுவார். இது புதுமையானது' என்றார்.