திருச்சி அரசு மருத்துவமனையில் அடிப்படை வசதிகள் கோரி ஆட்சியரிடம் மனு

திருச்சி அரசு மருத்துவமனையில் துணை மருத்துவப் படிப்பு பயின்று பயிற்சி மேற்கொள்ளும் (பாராமெடிக்கல்) மாணவர்களுக்கு குடிநீர், கழிப்பிடம், ஓய்வறை உள்ளிட்ட அடிப்படை வசதிகளை செய்து கொடுக்கக் கோரி மாவட்ட ஆட்சியரிடம் மாணவர்கள் மனு அளித்தனர்.

- 

திருச்சி, ஆக. 4:

திருச்சி ஆட்சியர் அலுவலகத்தில் வாராந்திர பொதுமக்கள் குறைகேட்பு கூட்டம் மாவட்ட ஆட்சியர் வே.சரவணன் தலைமையில் திங்கட்கிழமை நடைபெற்றது.

இதில், கி.ஆ.பெ. விஸ்வநாதன் அரசு மருத்துவக் கல்லூரியில் பாராமெடிக்கல் பிரிவில் படித்து வரும் மாணவர்கள் இந்திய மாணவர் சங்கம் வழியாக அளித்துள்ள மனு: திருச்சி கி.ஆ.பெ. விஸ்வநாதன் அரசு மருத்துவக் கல்லூரியில் பயின்று திருச்சி மகாத்மா காந்தி நினைவு அரசு மருத்துவமனைக்கு பயிற்சிக்கு செல்லும் மாணவர்களுக்கு குடிநீர், கழிப்பிடம், ஓய்வறை உள்ளிட்ட எந்தவித அடிப்படை வசதிகளும் இல்லை. வகுப்பறையும் இல்லை. வகுப்புகளை முறையாக நடத்தவும், மருத்துவமனையில் உரிய அடிப்படை வசதிகள் செய்து கொடுக்கவும் நடவடிக்கை எடுக்க வேண்டும் எனத் தெரிவித்துள்ளனர்.