அனைத்து விவாதத்துக்கும் தயார்

நாடாளுமன்ற மழைக்காலக் கூட்டத் தொடர் திங்கள்கிழமை (ஜூலை 21) தொடங்கி ஆகஸ்ட் 21-ஆம் தேதி வரை நடைபெறவுள்ள நிலையில், ஆபரேஷன் சிந்தூர் உள்பட எதிர்க்கட்சிகள் எழுப்பும் அனைத்து முக்கிய விவகாரங்கள் குறித்தும் விதிமுறைகள் மற்றும் மரபுகளின் கீழ் விவாதிக்க மத்திய அரசு தயாராக உள்ளது என்று நாடாளுமன்ற விவகாரங்கள் துறை அமைச்சர் கிரண் ரிஜிஜு தெரிவித்தார்.

- 

புது தில்லி, ஜூலை 20:

நாடாளுமன்றம் சுமுகமாகச் செயல்பட அனைத்து கட்சிகளும் ஒத்துழைக்க வேண்டும் என்றும் அவர் கேட்டுக் கொண்டார்.

அனைத்துக் கட்சிக் கூட்டம்:

மழைக்காலக் கூட்டத் தொடரைச் சுமுகமாக நடத்துவதற்காக, மத்திய அமைச்சரும் மாநிலங்களவை பாஜக குழுத் தலைவருமான ஜெ.பி. நட்டா தலைமையில் ஞாயிற்றுக்கிழமை அனைத்துக் கட்சிக் கூட்டம் நடைபெற்றது.

மத்திய அரசு சார்பில் நாடாளுமன்ற விவகாரங்கள் துறை அமைச்சர் கிரண் ரிஜிஜு, இணையமைச்சர்கள் அர்ஜுன் ராம் மேக்வால், எல். முருகன் ஆகியோர் பங்கேற்றனர்.