திருச்செந்தூர் கோயில்களில் யாகசாலை பூஜைகள் தொடக்கம்

திருச்செந்தூர் அருள்மிகு சுப்பிரமணிய சுவாமி கோயிலின் உப கோயில்களான ஆனந்தவல்லி அம்பாள் சமேத சிவக்கொழுந்தீஸ்வரர் கோயில் என்ற சிவன் கோயில், வெயிலுகந்தம்மன் கோயில், ஸ்ரீ அமிர்தகுண விநாயகர், ஸ்ரீ சொர்ணமகா சாஸ்தா கோயில்களில் வெள்ளிக்கிழமை (ஜூன் 6) கும்பாபிஷேகம் நடைபெறவுள்ளது.

- 

திருச்செந்தூர், ஜூன் 4: இதையொட்டி, அந்தந்தக் கோயில்களில் யாகசாலை பூஜைகள் புதன்கிழமை தொடங்கின.

சிவன் கோயிலில் அதிகாலையில் நடை திறக்கப்பட்டு சுவாமி-அம்மனுக்கு சிறப்பு பூஜைகள், திருமுறைப் பாராயணம், பல்வேறு ஹோமங்கள், பூர்ணாஹுதி, மாலையில் விக்னேஸ்வர பூஜை, அங்குரார்ப்பணம், ரக்ஷாபந்தனம் உள்ளிட்டவற்றுக்குப் பின்னர், முதல் கால யாகசாலை பூஜை நடைபெற்றது. இதை, ஸ்ரீ ஷண்முகா பூஜா கைங்கர்ய ஸ்தானத்தார் சிவாச்சாரியர்கள் செய்தனர். வியாழக்கிழமை காலை 2ஆம் கால, மாலையில் 3ஆம் கால யாகசாலை பூஜைகள் நடைபெறும்.