விஜயகாந்த் 2-ஆம் ஆண்டு நினைவு தினம்: மத்திய இணை அமைச்சர், துணை முதல்வர் அஞ்சலி

தேமுதிக நிறுவனர் விஜயகாந்தின் 2-ஆம் ஆண்டு நினைவு தின நிகழ்வையொட்டி, சென்னை கோயம்பேட்டில் உள்ள அவரது நினைவிடத்தில் மத்திய இணை அமைச்சர் எல்.முருகன், துணை முதல்வர் உதயநிதி ஸ்டாலின் உள்ளிட்ட ஏராளமானோர் அஞ்சலி செலுத்தினர்.

- 

தே.மு.தி.க. நிறுவனர் விஜயகாந்த் நினைவையொட்டி சென்னை கோயம்பேட்டில் உள்ள அவரது நினைவிடத்தில் ஞாயிற்றுக்கிழமை அஞ்சலி செலுத்திய துணை முதல்வர் உதயநிதி ஸ்டாலின். உடன் தேமுதிக பொதுச் செயலர் பிரேமலதா விஜயகாந்த், அமைச்சர்கள் எ.வ.வேலு, மா.சுப்பிரமணியன் உள்ளிட்டோர். (வலது) விஜயகாந்த் நினைவிடத்தில் அஞ்சலி செலுத்திய அதிமுக பொதுச் செயலர் எடப்பாடி கே.பழனிசாமி.

விஜயகாந்த் நினைவு தினம் தேமுதிக சார்பில் குருபூஜை விழாவாக ஞாயிற்றுக்கிழமை அனுசரிக்கப்பட்டது. இதையொட்டி, கோயம்பேட்டில் உள்ள அந்தக் கட்சியின் தலைமை அலுவலக வளாகத்தில் உள்ள விஜயகாந்த் நினைவிடத்தில் அதிகாலை 4 மணி முதலே ஏராளமான கட்சித் தொண்டர்கள் மலர்தூவி அஞ்சலி செலுத்தினர்.