சுதந்திர தினம்: செங்கோட்டையில் நாளை தேசிய கொடியேற்றுகிறார் பிரதமர் மோடி

நாட்டின் 79-ஆவது சுதந்திர தினம் வெள்ளிக்கிழமை (ஆக.15) கோலாகலமாக கொண்டாடப்படவுள்ளது.

- 

புது தில்லி, ஆக. 13: தில்லியில் வரலாற்றுச் சிறப்புமிக்க செங்கோட்டையில் தேசியக் கொடியை ஏற்றிவைத்து, நாட்டு மக்களுக்கு பிரதமர் மோடி உரை யாற்றவுள்ளார்.

இதையொட்டி, தலைநகரில் பல அடுக்கு பாதுகாப்பு ஏற்பாடுகள் மேற்கொள்ளப்பட்டுள்ளன. துணை ராணுவப் படையினர், சிறப்பு கமாண்டோக்கள் உள்பட 10,000-க்கும் மேற்பட்ட பாதுகாப்புப் படையினர், 3,000-க்கும் அதிகமான போக்குவரத்து காவலர்களும் பணியில் ஈடுபடுத்தப்பட்டுள்ளனர்.

முக்கியமான இடங்களில் அதிநவீன சிசிடிவி கேமராக்கள்-முக அடையாள தொழில்நுட்பம் மூலம் கண்காணிப்பு தீவிரப்படுத்தப்பட்டுள்ளது. உளவுத்துறையின் ஒருங்கிணைப்புடன் சதிச்செயல் தடுப்புக்கான சோதனைகள் முடுக்கிவிடப்பட்டுள்ளன.