தஞ்சை, புதுகையில் காமராஜர் பிறந்த நாள் விழா

தஞ்சாவூரில் பல்வேறு இடங்களில் முன்னாள் முதல்வர் காமராஜரின் 123-ஆவது பிறந்த நாள் விழா செவ்வாய்க்கிழமை கொண்டாடப்பட்டது.

- 

தஞ்சாவூர்/புதுக்கோட்டை, ஜூலை 15:

தஞ்சாவூர் தெற்கு மாவட்ட காங்கிரஸ் கமிட்டி சார்பில் நடைபெற்ற விழாவில், கீழவாசலிலுள்ள காமராஜர் சிலைக்கு மாலை அணிவிக்கப்பட்டு, இனிப்பு, நலத்திட்ட உதவிகளும் வழங்கப்பட்டன.

விழாவுக்கு தெற்கு மாவட்ட காங்கிரஸ் துணைத் தலைவர் கோ. அன்பரசன் தலைமை வகித்தார். மாநிலப் பொதுக் குழு உறுப்பினர் கண்டிதம்பட்டு ஆர். கோவிந்தராஜூ, மாவட்டச் செயலர் ராமலிங்கம், வட்டாரத் தலைவர் நாராயணசாமி உள்ளிட்டோர் கலந்து கொண்டனர்.

இதேபோல, தஞ்சாவூர் அருகே நாஞ்சிக்கோட்டையில் கிராம காங்கிரஸ் கமிட்டி சார்பில் நடைபெற்ற விழாவுக்கு அதன் தலைவர் நாஞ்சி இளங்கோவன் தலைமை வகித்தார். முன்னாள் மாவட்ட காங்கிரஸ் தலைவர் நாஞ்சி கி. வரதராசன், ஒருங்கிணைந்த மாவட்ட சேவா தளத் தலைவர் திருஞானம் உள்ளிட்டோர் முன்னிலை வகித்தனர்.

நாஞ்சிக்கோட்டை ஊராட்சி ஒன்றிய நடுநிலைப் பள்ளியில் ஆசிரியர்கள், மாணவ, மாணவிகள் உள்ளிட்டோருக்கு இனிப்புகள் வழங்கப்பட்டன.