விமான விபத்தில் உயிரிழந்த மருத்துவர்களுக்கு வெளிநாடுவாழ் இந்தியர் ரூ.6 கோடி நிவாரணம்

ஏர் இந்தியா விமான விபத்தில் உயிரிழந்த மருத்துவ மாணவர்கள் மற்றும் மருத்துவர்களின் குடும்பங்களுக்கு ரூ.6 கோடி நிதியுதவியை ஐக்கிய அரபு அமீரகத்தில் வசிக்கும் இந்திய மருத்துவரான ஷம்ஷீர் வயலில் அறிவித்துள்ளார்.

- 

துபை, ஜூன் 16:

குஜராத் மாநிலம், அகமதாபாதில் இருந்து லண்டனுக்கு கடந்த வியாழக்கிழமை புறப்பட்ட ஏர் இந்தியா விமானம் பி.ஜே. மருத்துவக் கல்லூரியின் மாணவர் விடுதி மீது விழுந்து நொறுங்கி விபத்துக்குள்ளானது.

இந்த விபத்தில் விமானத்தில் இருந்த 241 பேரும், தரையில் இருந்து எம்பிபிஎஸ் மாணவர்கள் 5 பேர் உள்பட 29 பேரும் உயிரிழந்தனர்.

இந்நிலையில் இவ்விபத்தில் உயிரிழந்த மருத்துவ மாணவர்கள் மற்றும் மருத்துவர்களின் குடும்பங்களுக்கு ரூ.6 கோடி நிதியுதவியை ஐக்கிய அரபு அமீரகத்தில் வசிக்கும் இந்திய மருத்துவரான ஷம்ஷீர் வயலில் அறிவித்துள்ளார்.