இலங்கை அகதி தம்பதி மகளுக்கு இந்திய குடியுரிமை: மத்திய அரசு பரிசீலிக்க உயர்நீதிமன்றம் உத்தரவு

இலங்கை தமிழ் அகதியாக தமிழகம் வந்த தம்பதியருக்குப் பிறந்த பெண்ணுக்கு இந்திய குடியுரிமை வழங்குவது குறித்து பரிசீலிக்க மத்திய அரசுக்கு சென்னை உயர்நீதிமன்றம் உத்தரவிட்டது.

- 

சென்னை, மார்ச் 31:

இலங்கையில் குடும்பத்துடன் வசித்து வந்த சரவணமுத்து, அங்கு நடந்த உள்நாட்டுப் போர் காரணமாக தனது மனைவி தமிழ்செல்வியுடன் அகதியாக 1984ஆம் ஆண்டு இலங்கையிலிருந்து விமானம் மூலம் கோவை வந்தார்.

சரவணமுத்துவின் தந்தை பழனிவேல் புதுக்கோட்டையைப் பூர்விகமாகக் கொண்டவர். பின்னர், சரவணமுத்துவும், தமிழ்செல்வியும் வெளிநாட்டவருக்கான மண்டல பதிவு அலுவலகத்தில் பதிவு செய்து கோவையில் வசித்தனர்.

1987ஆம் ஆண்டு அவர்களுக்கு ரம்யா என்ற பெண் குழந்தை பிறந்தது. ரம்யாவுக்குப் பிறப்புச் சான்றிதழ், வாக்காளர் சான்றிதழ் என அனைத்து சான்றிதழ்களும் கோவையில் பெற்றுள்ளதுடன் கடவுச்சீட்டும் பெற்றுள்ளார். பள்ளிப் படிப்பை முடித்து கோவையைச் சேர்ந்த புருஷோத்தமன், 2014ஆம் ஆண்டு திருமணம் முடித்த ரம்யாவுக்கு மகன் ருத்ரன் (9) உள்ளார்.