முதல்வர் நடவடிக்கையை வரவேற்கிறோம்

கோயில் காவலாளி கொலை வழக்கு

- 

மானாமதுரை, ஜூலை 3: சிவகங்கை மாவட்டம், மடப்புரத்தில் போலீஸாரால் கோயில் காவலாளி அஜித்குமார் அடித்துக் கொலை செய்யப்பட்டது தொடர்பாக அவரது தாய், சகோதரரிடம் மதுரை மாவட்ட நீதிபதி வியாழக்கிழமை விசாரணை நடத்தினார்.

திருப்புவனம் அருகேயுள்ள மடப்புரம் பத்ரகாளியம்மன் கோயில் காவலாளி அஜித்குமார் தனிப்படை போலீஸாரால் அடித்துக் கொலை செய்யப்பட்டது தொடர்பாக மதுரை மாவட்ட நீதிபதி விசாரணை நடத்தி அறிக்கை தாக்கல் செய்ய சென்னை உயர்நீதிமன்ற மதுரை அமர்வு நீதிபதிகள் கடந்த செவ்வாய்க்கிழமை உத்தரவிட்டனர்.

இதன்படி, மதுரை மாவட்ட 4-ஆவது முதன்மை நீதிமன்ற நீதிபதி ஜான் சுந்தர்லால் சுரேஷ் விசாரணை மேற்கொள்வதற்காக திருப்புவனத்துக்கு புதன்கிழமை வந்தார். இதனிடையே, மடப்புரம் கோயில் ஊழியர்கள், திருப்புவனம் காவல் நிலைய போலீஸார் நீதிபதி முன் முன்னிலையாகினர். இவர்களிடம் நீதிபதி விசாரணை நடத்தினார்.