IPL அஸ்வனி, ரயான் அபாரம்; மும்பைக்கு முதல் வெற்றி

ஐபிஎல் போட்டி யின் 12-ஆவது ஆட்டத்தில் மும்பை இண்டியன்ஸ் 8 விக்கெட்டுகள் வித்தியாசத்தில் நடப்பு சாம்பியன் கொல்கத்தா நைட் ரைடர்ஸை திங்கள்கிழமை வெற்றி கண்டது.

- 

மும்பை, மார்ச் 31: ஐபிஎல் போட்டி யின் 12-ஆவது ஆட்டத்தில் மும்பை இண்டியன்ஸ் 8 விக்கெட்டுகள் வித்தியாசத்தில் நடப்பு சாம்பியன் கொல்கத்தா நைட் ரைடர்ஸை திங்கள்கிழமை வெற்றி கண்டது.

முதலில் கொல்கத்தா 16.2 ஓவர்களில் 116 ரன்களுக்கு 10 விக்கெட்டுகளையும் இழக்க, மும்பை 12.5 ஓவர்களில் 2 விக்கெட்டுகள் இழந்து 121 ரன்கள் எடுத்து வெற்றி பெற்றது.

மும்பை அணியில் அறிமுகமான வேகப்பந்து வீச்சாளர் அஸ்வனி குமார், அசத்தலாக 4 விக்கெட்டுகள் சாய்த்தார். ஐபிஎல் அறிமுக ஆட்டத்தில் இத்தனை விக்கெட்டுகள் எடுத்த முதல் இந்தியர் என்ற பெருமையும் பெற்றார். பின்னர் மும்பையின் இன்னிங்ஸில் ரயான் ரிக்கெல்டன் அதிரடியாக விளாசி அணியை வெற்றிக்கு வழிநடத்தினார்.