பஹல்காம் பயங்கரவாத தாக்குதலுக்கு கண்டனம்: பிரிக்ஸ் உச்சி மாநாட்டில் கூட்டுப் பிரகடனம்?

பிரேஸிலின் ரியோ டி ஜெனீரோ நகரில் நடைபெறும் பிரிக்ஸ் உச்சி மாநாட்டில் பஹல்காம் பயங்கரவாத தாக்குதலுக்கு கண்டனம் தெரிவித்து கூட்டுப் பிரகடனம் வெளியிடப்படும் என எதிர்பார்க்கப்படுகிறது.

- 

புது தில்லி, ஜூன் 30:

பயங்கரவாதத்துக்கு எதிராக ஒருங்கிணைந்து குரல் கொடுக்க வேண்டும் என்ற இந்தியாவின் நிலைப்பாட்டை ஆதரிக்கும் வகையில் இந்தப் பிரகடனம் வெளியிடப்படவுள்ளதாக அதிகாரபூர்வ வட்டாரங்கள் தெரிவித்தன.

பிரேஸில், ஆர்ஜென்டீனா, டிரினிடாட்-டொபேகோ, கானா, நமீபியா ஆகிய 5 நாடுகளுக்கு ஜூலை 2 முதல் 9 வரை பிரதமர் நரேந்திர மோடி சுற்றுப்பயணம் மேற்கொள்கிறார்.