நபார்டு வங்கி நிதியை ரூ.4,290 கோடியாக உயர்த்தி வழங்க வேண்டும்

தமிழகம் வலியுறுத்தல்

- நமது நிருபர்

நமது நிருபர் புது தில்லி, ஜூன் 30: பயிர்க் கடன் களுக்கான தொகையை ரூ.4,290 கோடியாக மீண்டும் அதிகரித்து வழங்க நபார்டு வங்கிக்கு உத்தரவிட வேண்டும் என்று தில்லியில் நடைபெற்ற மாநில கூட்டுறவுத் துறை அமைச்சர்களுக்கான சிந்தனை அமர்வில் அமைச்சர் கே.ஆர். பெரியகருப்பன் கேட்டுக் கொண்டார்.

தில்லியில் திங்கள்கிழமை மத்திய உள்துறை மற்றும் கூட்டுறவுத் துறை அமைச்சர் அமித் ஷா தலைமையில் அனைத்து மாநிலங்களும் மற்றும் யூனியன் பிரதேசங்களின் கூட்டுறவுத் துறை அமைச்சர்கள், பதிவாளர்கள், செயலர்கள் உள்ளிட்டோர் பங்கேற்ற சிந்தனை அமர்வு நடைபெற்றது. இக்கூட்டத்தில் தமிழக அமைச்சர் கே.ஆர். பெரியகருப்பன், கூட்டுறவு சங்கங்களின் பதிவாளர் க.நந்தகுமார் ஆகியோர் கலந்து கொண்டனர்.