கனவு இல்லம் திட்டம்: இரு ஆண்டுகளில் 72 ஆயிரம் வீடுகள் கட்டுமானம் நிறைவு

தமிழக அரசு தகவல்

- 

சென்னை, ஜூன் 28: 'கலைஞர் கனவு இல்லம்' திட்டத்தின் கீழ், தமிழகத்தில் இரு ஆண்டுகளில் 72 ஆயிரம் வீடுகள் கட்டிமுடிக்கப்பட்டுள்ளதாக மாநில அரசு தெரிவித்துள்ளது.

ஊரக வளர்ச்சி மற்றும் ஊராட்சித் துறை திட்டங்கள் தொடர்பாக, தமிழக அரசு சார்பில் சனிக்கிழமை வெளியிடப்பட்ட செய்திக் குறிப்பு:

மகாத்மா காந்தி தேசிய ஊரக வேலை உறுதித் திட்டம் ஒவ்வொரு நிதியாண்டிலும் ஒரு குடும்பத்துக்கு அதிகபட்சமாக 100 நாள்களுக்கு வேலை வாய்ப்பை வழங்க உறுதி செய்கிறது. இத்திட்டத்தில் கடந்த நான்கு நிதியாண்டுகளில் சராசரியாக 66.91 லட்சம் குடும்பங்களைச் சேர்ந்த 77.37 லட்சம் தொழிலாளர்களுக்கு வேலை வழங்கப்பட்டுள்ளது.

இதேபோன்று, மாற்றுத் திறனாளிகளுக்கும் கூடுதலான வேலை வாய்ப்புகள் ஆண்டுதோறும் அளிக்கப்படுகின்றன.