சுற்றுலாப் பயணிகளை வரவேற்கத் தயாராகும் ஏற்காடு!

கோடை வெப்பத்தை சமாளிக்க மக்கள் குடும்பத்துடன் மலைப்பாங்கான இடங்களுக்குச் சுற்றுலா சென்றுவரும் நிலையில், தனக்கு அவர்களை வரவேற்று மகிழ்விக்க முழுவீச்சில் தயாராகிவருகிறது சேர்வராயன் மலைத் தொடரின் ஒரு பகுதியாக உள்ள, ஏழைகளின் ஊட்டி என அழைக்கப்படும் ஏற்காடு மலைவாழ் சுற்றுலா தலம்.

- சி.ஆர்.எம். சபரி

டுதோறும் கோடைவிழா மற்றும் மலர்காட்சி சிறப்பாக நடைபெற்று வருகிறது. நிகழாண்டு, 48 ஆவது ஏற்காடு கோடை விழா மற்றும் மலர்க்காட்சி வரும் 23 ஆம் தேதி தொடங்கி, 29 ஆம் தேதி வரை 7 நாள்கள் நடைபெறவுள்ளது.

சுற்றுலாப் பயணிகள், பொதுமக்கள், குழந்தைகள் உள்ளிட்ட அனைத்துத் தரப்பினரையும் மகிழ்விக்கும் வகையில், இந்தக் கோடை விழாவை மாவட்ட நிர்வாகம் ஏற்பாடு செய்து வருகிறது. விழாவில், தோட்டக்கலை துறையின் சார்பில் சுற்றுலாப் பயணிகளைக் கவர, ஒன்றரை லட்சம் மலர்களைக் கொண்டு, மலர் கண்காட்சி, பழக்கண்காட்சி, காய்கறி கண்காட்சிகள் அமைக்கப்பட உள்ளன.