4 மாத அகவிலைப்படி நிலுவைத் தொகையை விரைவில் வழங்க தமிழக அரசு நடவடிக்கை

அரசு ஊழியர்கள், ஆசிரியர்கள், ஓய்வூதியதாரர்களுக்கு ஜனவரி முதல் ஏப்ரல் வரையிலான அகவிலைப்படி உயர்வு நிலுவைத் தொகை விரைவில் வழங்கப்பட உள்ளது.

- 

சென்னை, ஏப். 30: இதற்கான உத்தரவை தமிழக அரசின் நிதித் துறை பிறப்பித்தது.

அதன் விவரம்:

மாநில அரசுப் பணியாளர்கள், ஆசிரியர்கள் ஆகியோருக்கு அகவிலைப்படி 53 சதவீதத்தில் இருந்து 55 சதவீதமாக உயர்த்தப்படுகிறது. இதற்கான அறிவிப்பை சட்டப்பேரவையில் முதல்வர் மு.க.ஸ்டாலின் ஏற்கெனவே அறிவித்துள்ளார். ஜன.1 முதல் முன்தேதியிட்டு அகவிலைப்படி உயர்வு அமல்படுத்தப்படவுள்ளது.