இந்தியாவால் தேடப்பட்டுவந்த லஷ்கர் பயங்கரவாதி பாகிஸ்தானில் சுட்டுக் கொலை

ஜம்மு-காஷ்மீரில் பல கொடூர தாக்குதல்களை நடத்தியதில் தொடர்புடையதாக இந்தியாவால் தேடப்பட்டுவந்த லஷ்கர்-ஏ-தொய்பா பயங்கரவாத அமைப்பின் முக்கிய தளபதி பாகிஸ்தானில் சுட்டுக் கொல்லப்பட்டார்.

- 

புது தில்லி, மார்ச் 16:

ஜியா-உர்-ரஹ்மான் (எ) நதீம் (எ) அபு கதல் (எ) கதல் சிந்தி என்ற அந்த பயங்கரவாதி பாகிஸ்தான் பஞ்சாப் மாகானத்தின் ஜெலும் பகுதியில் அடையாளம் தெரியாத நபரால் சனிக்கிழமை மாலை சுட்டுக் கொல்லப்பட்ட தகவல் பாகிஸ்தானிலிருந்து கிடைத்திருப்பதாக அதிகாரிகள் ஞாயிற்றுக்கிழமை தெரிவித்தனர். இந்தத் தாக்குதலில் பயங்கரவாதி ரஹ்மானின் பாதுகாவலரும் சுட்டுக்கொல்லப்பட்டுள்ளார்.