வலுவான நிதி நிலையில் இந்திய ரயில்வே

மாநிலங்களவையில் ரயில்வே அமைச்சர் தகவல்

- 

புது தில்லி, மார்ச் 17: இந்திய ரயில்வேயின் நிதி நிலைமை வலுவான நிலையில் உள்ளது என்றும், நிதி நிலையைத் தொடர்ந்து மேம்படுத்தும் முயற்சிகள் நடைபெற்று வருவதாகவும் ரயில்வே அமைச்சர் அஸ்வினி வைஷ்ணவ் மாநிலங்களவையில் திங்கள்கிழமை தெரிவித்தார்.

நாடாளுமன்றத்தில் பட்ஜெட் கூட்டத்தொடரின் 2-ஆம் கட்ட அமர்வு கடந்த 10-ஆம் தேதி தொடங்கி நடைபெற்று வருகிறது. இந்நிலையில், மாநிலங்களவையில் ரயில்வே அமைச்சகம் குறித்த விவாதம் திங்கள்கிழமை நடைபெற்றது.

அதிகரித்த பயணிகள் மற்றும் சரக்கு போக்குவரத்து உள்பட ரயில்வேயின் பல சாதனைகளைப் பட்டியலிட்டு விவாதத்தில் பேசிய அமைச்சர் அஸ்வினி வைஷ்ணவ், 'கரோனா பெருந்தொற்று சவால்களை ரயில்வே வெற்றிகரமாக சமாளித்துள்ளது.

மக்கள் மீண்டும் ரயில் பயணத்துக்குத் திரும்புகின்றனர். பயணிகள் மற்றும் சரக்கு போக்குவரத்து ஆகிய இரண்டும் வளர்ச்சியைக் குறிக்கிறது.