காஸா போரில் பொதுமக்கள் உயிரிழப்பு 83%

இஸ்ரேல் ராணுவத் தரவுகள்

- 

லண்டன் / ஜெருசலேம், ஆக. 21: காஸாவில் இஸ்ரேல் நடத்திவரும் தாக்குதலில் உயிரிழந்தவர்களில் 83 சதவீதத்தினர் பொதுமக்கள் என்று அந்த நாட்டு ராணுவத்தின் தரவுகள் தெரிவிக்கின்றன.

பிரிட்டனில் இருந்து வெளியாகும் தி கார்டியன் நாளிதழ், இஸ்ரேலின் +972 இதழ் மற்றும் ஹீப்ரு மொழி ஊடகமான லோக்கல் கால்ஸ் ஆகியவை இஸ்ரேல் ராணுவத்தின் இந்த ரகசிய தரவுகளை ஆய்வு செய்து இது குறித்து தெரிவித்ததாவது:

கடந்த மே மாத நிலவரப்படி, தங்களது தாக்குதலில் 8,900 ஹமாஸ் படையினர் கொல்லப்பட்டுள்ளனர் அல்லது உயிரிழந்திருப்பதற்கான வாய்ப்புள்ளது என்று இஸ்ரேல் ராணுவத்தின் தரவுகள் குறிப்பிட்டுள்ளன. அந்த காலகட்டத்தில், காஸாவில் இஸ்ரேல் படையினர் நடத்திய தாக்குதலில் உயிரிழந்தவர்களின் எண்ணிக்கை 53,000-ஐ கடந்திருந்தது. அந்த வகையில், மொத்த உயிரிழப்பில் பொதுமக்களின் பங்கு 83 சதவீதமாக உள்ளதை ராணுவத்தின் தரவுகள் குறிக்கின்றன.