துணைவேந்தர் நியமன தாமதம்: தமிழக அரசுதான் காரணம்

தமிழக பல்கலைக்கழகங்களுக்கு துணைவேந்தர்களை நியமிப்பதில் தாமதம் ஏற்படுவதற்கு தமிழக அரசுதான் காரணம் என்று ஆளுநர் ஆர்.என்.ரவி உச்சநீதிமன்றத்தில் புதன்கிழமை பதில் மனு தாக்கல் செய்துள்ளார்.

- நமது நிருபர்

நமது நிருபர் புது தில்லி, ஆக. 13:

மேலும், ஆளுநரின் அதிகாரத்தைப் பறிக்கும் செயலில் தமிழக அரசு ஈடுபடுவதாகக் கூறி, தமிழக அரசு தொடுத்துள்ள மேல்முறையீட்டு மனுவைத் தள்ளுபடி செய்ய வேண்டும் என்றும் ஆளுநர் ரவி அதில் வலியுறுத்தியுள்ளார்.

தேடுதல் குழு அமைப்பது தொடர்பாக தமிழக அரசுக்கும் ஆளுநருக்கும் இடையே நடைபெற்ற கடிதப் போக்குவரத்து தொடர்பான தேதிகளையும் மனுவில் ஆளுநர் குறிப்பிட்டுள்ளார்.

தமிழக பல்கலைக்கழகங்களுக்கு துணைவேந்தர்களை நியமிப்பது, பல்கலைக்கழக வேந்தரின் அதிகாரத்தை தமிழக அரசுக்கு வழங்குவது தொடர்பான சட்டத் திருத்த மசோதாக்களுக்கு ஒப்புதல் வழங்க ஆளுநர் தாமதம் செய்வதாக தமிழக அரசு தொடர்ந்த வழக்கில், உச்சநீதிமன்றம் தனது சிறப்பு அதிகாரத்தைப் பயன்படுத்தி மசோதாக்களுக்கு ஒப்புதல் அளித்தது.

இதைத் தொடர்ந்து, இந்த சட்டத் திருத்தத்தை அரசிதழில் வெளியிட்டு துணைவேந்தர்களை நியமிக்கும் நடவடிக்கையை தமிழக அரசு தொடங்கியது.