கள் இறக்க அரசு அனுமதிக்க வேண்டும்: சீமான்

கள் இறக்க அரசு அனுமதிக்க வேண்டும் என்றார் நாம் தமிழர் கட்சியின் தலைமை ஒருங்கிணைப்பாளர் சீமான்.

- 

மண்ணச்சநல்லூர்/திருச்சி, ஜூலை 30: கள் இறக்க அரசு அனுமதிக்க வேண்டும் என்றார் நாம் தமிழர் கட்சியின் தலைமை ஒருங்கிணைப்பாளர் சீமான்.

திருச்சி சமயபுரம் சக்தி நகர் பனந்தோப்பு பகுதியில் தமிழ்நாடு பனையேறிகள் பாதுகாப்பு இயக்கம் சார்பில் புதன்கிழமை நடைபெற்ற கள் விடுதலை மாநாட்டில் அவர் மேலும் பேசியதாவது:

கள் என்பது பனம் பால்; மூலிகை சாறு. கள்ளை மது என அரசு தடை செய்யக் காரணம் சாராய ஆலை அதிபர்கள் தான். ஏனெனில் கள் இறக்க அனுமதித்தால் டாஸ்மாக் மது வியாபாரம் நஷ்டம் அடையும். டாஸ்மாக் லாபத்தை உயர்த்த முயற்சித்த இந்த அரசு, மக்களின் நியாயமான கோரிக்கைகளை ஏற்பதில்லை.