2% சரிவைக் கண்ட வீடுகள் விற்பனை

இந்தியாவின் எட்டு முக்கிய நகரங்களில் கடந்த ஜனவரி-ஜூன் அரை ஆண்டில் வீடுகள் விற்பனை 2 சதவீதம் சரிந்துள்ளது.

- 

ஜூலை 8:

இது குறித்து வீடு-மனை ஆலோசனை நிறுவனமான நைட் பிராங்க் வெளியிட்டுள்ள அறிக்கையில் தெரிவிக்கப்பட்டுள்ளதாவது:

நடப்பு 2025-ஆம் ஆண்டின் முதல் அரையாண்டில் (ஜனவரி-ஜூன்) சென்னை, தில்லி-என்சிஆர், மும்பை பெருநகரப் பகுதி, கொல்கத்தா, பெங்களூரு, ஹைதராபாத், புணே, அகமதாபாத் ஆகிய இந்தியாவின் எட்டு முக்கிய வீடு-மனைச் சந்தைகளில் வீடுகள் விற்பனை 1,70,201 வீடுகள் விற்பனையாகின. முந்தைய 2024-ஆம் ஆண்டின் இதே அரையாண்டோடு ஒப்பிடுகையில் இது 2 சதவீதம் குறைவு. அப்போது இந்த எட்டு முக்கிய நகரங்களில் வீடுகள் விற்பனை 1,73,669-ஆக இருந்தது.