பள்ளி வேன் - ரயில் மோதல்: 3 மாணவர்கள் உயிரிழப்பு

கடலூர் மாவட்டம், செம்மங்குப்பம் அருகே செவ்வாய்க்கிழமை காலை ரயில்வே கடவுப் பாதையைக் கடக்க முயன்ற தனியார் பள்ளி வேன் மீது பயணிகள் ரயில் மோதியதில் அக்காள், தம்பி உள்ளிட்ட 3 மாணவர்கள் உயிரிழந்தனர்.

- 

நெய்வேலி, ஜூலை 8: மேலும், மூவர் காயமடைந்து சிகிச்சை பெற்று வருகின்றனர்.

கடலூர் மருதாடு பகுதியில் தனியார் சிபிஎஸ்இ பள்ளி செயல்பட்டு வருகிறது. வழக்கம்போல, இந்தப் பள்ளிக்குச் சொந்தமான வேன் செவ்வாய்க்கிழமை காலை அதன் வழித்தடத்தில் மாணவர்களை ஏற்றிக்கொண்டு வந்தது. வேனை கடலூர் மாவட்டம் மஞ்சக்குப்பம் பகுதியைச் சேர்ந்த ஓட்டுநர் சங்கர் (47) ஓட்டினார்.

வேனில் தொண்டமாநத்தம் கிராமத்தைச் சேர்ந்த விஜய சந்திரகுமார் மகன்கள் நிமிலேஷ் (12), விஷ்வேஸ் (16), சுப்பிரமணியபுரம் கிராமத்தைச் சேர்ந்த திராவிடமணி மகள் சாருமதி (16), மகன் செழியன் (15) ஆகியோர் இருந்தனர்.