மகளிர் டி20: இந்தியாவுக்கு 2-ஆவது வெற்றி

மகளிர் டி20 கிரிக்கெட்டில் இங்கிலாந்துக்கு எதிரான 2-ஆவது ஆட்டத்தில் இந்தியா 24 ரன்கள் வித்தியாசத்தில் வெற்றி பெற்றது.

- 

பிரிஸ்டல், ஜூலை 2: மகளிர் டி20 கிரிக்கெட்டில் இங்கிலாந்துக்கு எதிரான 2-ஆவது ஆட்டத்தில் இந்தியா 24 ரன்கள் வித்தியாசத்தில் வெற்றி பெற்றது. 5 ஆட்டங்கள் கொண்ட தொடரில் இந்தியா தற்போது 2-0 என முன்னிலையில் உள்ளது.

இந்திய நேரப்படி, செவ்வாய்க்கிழமை நள்ளிரவு நிறைவடைந்த இந்த ஆட்டத்தில் முதலில் இந்தியா 20 ஓவர்களில் 4 விக்கெட்டுகள் இழப்புக்கு 181 ரன்கள் சேர்க்க, இங்கிலாந்து 20 ஓவர்களில் 7 விக்கெட்டுகள் இழந்து 157 ரன்களே எடுத்தது.