ஒடிஸா ஜெகந்நாதர் ரத யாத்திரையை பாதுகாப்புடன் நடத்த அரசு தீவிரம்

ஒடிஸாவில் புரி ஜெகந்நாதர் கோயில் ரத யாத்திரையின்போது ஏற்பட்ட கூட்ட நெரிசலில் 3 பேர் இறந்த நிலையில், மீதமுள்ள ரத யாத்திரை நிகழ்ச்சிகளை பாதுகாப்புடன் நடத்துவதற்கு மாநில அரசு தீவிர நடவடிக்கைகளை எடுத்து வருகிறது.

- 

புரி, ஜூன் 30:

ஒடிஸாவில் புரி ஜெகந்நாதர் கோயில் ரத யாத்திரையை யொட்டி ஜெகந்நாதர், பலபத்திரர், தேவி சுபத்திரை ஆகியோரின் தேர்கள் குந்திச்சா கோயிலுக்கு கடந்த வெள்ளிக்கிழமை இழுத்துச் செல்லப்பட்டன.லட்சக்கணக்கான பக்தர்கள் பங்கேற்ற இந்த யாத்திரையின்போது ஏற்பட்ட கூட்ட நெரிசலில் 600-க்கும் மேற்பட்டோர் காயமடைந்தனர்.

ஞாயிற்றுக்கிழமை காலையில் திரைகளை விலக்கி சுவாமி தரிசனம் செய்ய காத்திருந்த லட்சக்கணக்கான பக்தர்களிடையே தள்ளுமுள்ளு ஏற்பட்டு, 3 பேர் உயிரிழந்தனர்.