குடும்பத்தினர் வாக்களிப்பதை மாணவர்கள் உறுதி செய்ய வேண்டும்

'தங்கள் குடும்பத்தில் உள்ளவர்கள் தேர்தலில் தவறாமல் வாக்களிக்க மாணவர்கள் வலியுறுத்த வேண்டும்' என தமிழக வெற்றிக் கழகத்தின் தலைவர் விஜய் கேட்டுக்கொண்டார்.

- 

சென்னை, மே 30:

தமிழகத்தில் 10-ஆம் வகுப்பு, பிளஸ் 2 பொதுத் தேர்வுகளில் சட்டப்பேரவைத் தொகுதி வாரியாக சிறப்பிடம் பெற்ற மாணவ, மாணவிகளுக்கு தவெக சார்பில் விருதுகள் வழங்கும் விழா சென்னை அருகே மாமல்லபுரத்தில் வெள்ளிக்கிழமை நடைபெற்றது.

இதில் கட்சியின் தலைவர் விஜய் பங்கேற்று மாணவ, மாணவிகளுக்கு விருதுகளை வழங்கிப் பேசியதாவது:

படிப்பில் சாதனை புரிய வேண்டும்தான். ஆனால், ஒரே ஒரு படிப்பில் மட்டும் சிறந்து விளங்குவதை சாதனையாகக் கருத முடியாது. மேலும், அது குறித்து மட்டுமே சிந்தித்து மன உளைச்சலுக்கு ஆளாவது அவசியமற்றது. நீட் தேர்வு மட்டும்தான் உலகமா? அதையும் தாண்டி இந்த உலகில் சாதிக்கவேண்டிய விஷயங்கள் பல உள்ளன.