பஹல்காம் தாக்குதல்: இந்தியர்களின் ரத்தம் கொதிக்கிறது

பஹல்காம் பயங்கரவாதத் தாக்குதலால், ஒவ்வோர் இந்தியரின் ரத்தமும் கொதிக்கிறது; இத்தாக்குதலில் ஈடுபட்ட பயங்கரவாதிகள் மற்றும் சதித் திட்டம் தீட்டியவர்களுக்கு மிகக் கடுமையான தண்டனை வழங்கப்படும்.

- 

புது தில்லி, ஏப். 27: பாதிக்கப்பட்டோருக்கு நிச்சயம் நீதி உறுதி செய்யப்படும் என்று பிரதமர் நரேந்திர மோடி உறுதிபடக் கூறினார்.

பிரதமர் மோடி ஒவ்வொரு மாதமும் கடைசி ஞாயிற்றுக்கிழமையில் 'மனதின் குரல்' வானொலி நிகழ்ச்சி வாயிலாக நாட்டு மக்களுக்கு உரையாற்றி வருகிறார். அதன்படி, ஞாயிற்றுக்கிழமை (ஏப்.27) ஒலிபரப்பான 121-ஆவது நிகழ்ச்சியில் அவரது உரை வருமாறு:

பஹல்காம் தாக்குதல் ஒவ்வோர் இந்தியரின் மனதையும் காயப்படுத்தியுள்ளது. தங்கள் அன்புக்குரியவர்களை இழந்து வாடுவோரின் வேதனையை, அவர்கள் எந்த மாநிலமாக இருந்தாலும், எந்த மொழி பேசுபவராக இருந்தாலும் ஒவ்வோர் இந்தியரும் உணர்கின்றனர்.