ரூ.64,000 கோடியில் 26 ரஃபேல் விமானங்கள்: மத்திய அமைச்சரவை குழு ஒப்புதல்

பிரான்ஸிடம் இருந்து இந்திய கடற்படைக்கு சுமார் ரூ.64,000 கோடியில் 26 ரஃபேல் போர் விமானங்கள் கொள்முதல் செய்யும் முன்மொழிவுக்கு பாதுகாப்புக்கான மத்திய அமைச்சரவைக் குழு (சிசிஎஸ்) புதன்கிழமை ஒப்புதல் வழங்கியதாக துறைசார் வட்டாரங்கள் தெரிவித்தன.

- 

புது தில்லி, ஏப். 9: பிரான்ஸிடம் இருந்து இந்திய கடற்படைக்கு சுமார் ரூ.64,000 கோடியில் 26 ரஃபேல் போர் விமானங்கள் கொள்முதல் செய்யும் முன்மொழிவுக்கு பாதுகாப்புக்கான மத்திய அமைச்சரவைக் குழு (சிசிஎஸ்) புதன்கிழமை ஒப்புதல் வழங்கியதாக துறைசார் வட்டாரங்கள் தெரிவித்தன.

முற்றிலும் உள்நாட்டில் கட்டமைக்கப்பட்ட ஐஎஸ்எஸ் விக்ராந்த் போர்க் கப்பலில் இயக்குவதற்காக இந்த போர் விமானங்கள் கொள்முதல் செய்யப்பட உள்ளன.

பிரான்ஸின் டஸால்ட் ஏவியேஷன் நிறுவனத்திடம் இருந்து இந்திய விமானப் படைக்காக ஏற்கனவே 36 ரஃபேல் போர் விமானங்கள் கொள்முதல் செய்யப்பட்டன. முழுமையாக தயாரிக்கப்பட்ட நிலையில், இந்த விமானங்கள் வாங்கப்பட்டன.