பெங்களூரை வீழ்த்தியது குஜராத்

சிராஜ், பட்லர், சாய் அசத்தல்

- 

பெங்களூரு, ஏப். 2: ஐபிஎல் போட்டியின் 14-ஆவது ஆட்டத்தில் குஜராத் டைட்டன்ஸ் 8 விக்கெட்டுகள் வித்தியாசத்தில் ராயல் சேலஞ்சர்ஸ் பெங்களூரை புதன்கிழமை வீழ்த்தியது. அந்நிய மண்ணில் தொடர்ந்து இரு வெற்றிகளை சந்தித்த பெங்களூரு, முதல் தோல்வியை சொந்த மண்ணில் சந்தித்தது.

இந்த ஆட்டத்தில் முதலில் பெங்களூரு, 20 ஓவர்களில் 8 விக்கெட்டுகள் இழப்புக்கு 169 ரன்கள் சேர்க்க, குஜராத் 17.5 ஓவர்களில் 2 விக்கெட்டுகள் இழப்புக்கு 170 ரன்கள் எடுத்து வென்றது.

குஜராத் அணியின் பௌலர்களான முகமது சிராஜ், சாய் கிஷோர் பெங்களூரு பேட்டர்களை திணறடித்தனர். அதன் பேட்டர்கள் ஜாஸ் பட்லர், சாய் சுதர்சன் அதிரடியாக விளாசி குஜராத்தை வெற்றிக்கு வழிநடத்தினர்.