'வரிகளின் அரசன்' குற்றச்சாட்டு முதல் 50% வரி வரை... டிரம்ப் அறிவிப்புகள்!

'வரிகளின் அரசன் இந்தியா' என்ற குற்றச்சாட்டை இந்தியா மீது 2019-இல் அமெரிக்க அதிபர் டிரம்ப் சுமத்தியது முதல் இந்திய பொருள்களுக்கு 50% வரி என்ற அறிவிப்பு வரை அவரது அறிவிப்புகள் அதிரடியாகவே இருந்துவந்துள்ளன.

- 

புது தில்லி, ஆக.7:

இரு தரப்பு வர்த்தக ஒப்பந்தப் பேச்சுவார்த்தை நடைபெற்று வரும் நிலையில், இந்தியாவைப் பணிய வைக்கும் நோக்கில் அவரது அறிவிப்புகள் உள்ளதாகக் கருதப்படுகிறது.

இந்தியா மீது டிரம்ப் முன்வைத்த குற்றச்சாட்டுகள் மற்றும் மேற்கொண்ட நடவடிக்கைகள்:

2019, அக்டோபர்: 'வரிகளின் அரசன் இந்தியா' - டிரம்ப் பேச்சு.

2024, செப்டம்பர்: 'வரி விதிப்பு நடைமுறையை துஷ்பிரயோகம் செய்யும் நாடு இந்தியா.

2025,ஏப்.2: அமெரிக்காவில் இறக்குமதியாகும் இந்தியபொருள்களுக்கு ஏப்.9 முதல் 26% கூடுதல் வரி அமல்.

ஏப்.5: அமெரிக்காவில் இறக்குமதி செய்யப்படும் பிற நாட்டு பொருள்களின் மீது ஏப்.9 முதல் சராசரியாக 10% கூடுதல் வரி விதிக்கப்படும் என வெள்ளை மாளிகை அறிவிப்பு. இந்திய பொருள்களுக்கு மட்டும் 16 சதவீத வரி விதிப்பு.

ஏப்.9: இந்தியா உள்பட பிற நாடுகளுக்கு விதிக்கப்பட்ட கூடுதல் வரி விதிப்புக்கு ஜூலை 9-ஆம் தேதி வரை 90 நாள்களுக்கு நிறுத்திவைப்பு. இருப்பினும், அமெரிக்காவில் இறக்குமதி செய்யப்படும் பிற நாட்டு பொருள்கள் மீதான 10 சதவீத அடிப்படை வரி விதிப்பு தொடரும் என அறிவிப்பு.

ஜூலை 8: பிற நாடுகள் மீதான கூடுதல் வரி விதிப்புக்கான தடை ஆக.1 வரை நீட்டிப்பு.