ஈரானின் அணுசக்தி, ராணுவ மையங்கள் மீது இஸ்ரேல் தாக்குதல்

முக்கியத் தளபதிகள் உயிரிழப்பு

- 

துபை, ஜூன் 13: ஈரானின் அணுசக்தி, ராணுவ மையங்கள் மீது இஸ்ரேல் வெள்ளிக்கிழமை அதிகாலை தாக்குதல் நடத்தியது.

ஈரானின் அணுசக்தி கட்டமைப்புகள் மீதான இஸ்ரேல் தாக்குதலால் அபாயகரமான அளவுக்கு அணுக் கதிர்வீச்சு ஏற்படவில்லை என்று ஐ.நா.வின் அணுசக்தி கண்காணிப்பு அமைப்பான ஐஏஇஏ தெரிவித்தது.

ஈரான் 60 சதவீதத்துக்கும் மேல் செறிவூட்டப்பட்ட யுரேனியத்தின் இருப்பை இதுவரை இல்லாத அளவுக்கு அதிகரித்துள்ள நிலையில், அந்த நாட்டால் அணு ஆயுதத்தைத் தயாரித்துவிட முடியும் என்ற அச்சத்தில் இத் தாக்குதலைத் தொடங்கியுள்ளதாக இஸ்ரேல் தெரிவித்துள்ளது.