‘ஆபரேஷன் சிந்தூர்’ இன்னும் முடியவில்லை: பிரதமர் மோடி

‘ஆபரேஷன் சிந்தூர்’ இன்னும் முடிவடையவில்லை; பயங்கரவாதத்தை ஊக்குவிப்போர் மீது இந்தியாவின் தீர்க்கமான நடவடிக்கை தொடரும் என்று பிரதமர் நரேந்திர மோடி உறுதிபடத் தெரிவித்தார்.

- 

அலிபூர்துவார், மே 29:

மேலும், பாகிஸ்தானுக்குள் இந்தியா மூன்று முறை தாக்குதல் நடத்தியுள்ளது என்றும் அவர் குறிப்பிட்டார்.

கடந்த 2016-இல் உரி பயங்கரவாதத் தாக்குதலைத் தொடர்ந்து, இந்திய ராணுவம் எல்லையைக் கடந்து மேற்கொண்ட துல்லியத் தாக்குதல், 2019-இல் புல்வாமா தாக்குதலுக்குப் பிறகான இந்திய ராணுவத்தின் வான்வழித் தாக்குதல், அண்மையில் பஹல்காம் தாக்குதலுக்குப் பதிலடியாக மேற்கொள்ளப்பட்ட ‘ஆபரேஷன் சிந்தூர்’ நடவடிக்கை ஆகிய மூன்று தருணங்களையும் மறைமுகமாகக் குறிப்பிட்டு, பிரதமர் இவ்வாறு கூறியுள்ளார்.

மேற்கு வங்க மாநிலம், அலிபூர்துவாருக்கு வியாழக்கிழமை வருகை தந்த பிரதமர் மோடி, அங்கு ரூ.1,010 கோடி மதிப்பீட்டில் 2.5 லட்சத்துக்கும் மேற்பட்ட குடும்பங்களுக்கு குழாய் மூலம் எரிவாயு விநியோகிக்கும் திட்டத்துக்கு அடிக்கல் நாட்டினார். பின்னர் நடைபெற்ற பொது நிகழ்ச்சியில் அவர் பேசியதாவது: