'பத்ம' விருதுகளுக்கான பரிந்துரைகள்: ஜூலை 31 வரை சமர்ப்பிக்கலாம்

2026-ஆம் ஆண்டு பத்ம விருதுகளுக்கான பரிந்துரை விண்ணப்ப நடைமுறை சனிக்கிழமை தொடங்கியது. வரும் ஜூலை 31-ஆம் தேதிவரை மக்கள் தங்கள் பரிந்துரைகளை அனுப்பலாம் என்று மத்திய உள்துறை அமைச்சகம் தெரிவித்துள்ளது.

- 

புதுதில்லி, மார்ச் 15:

கடந்த 1954-ஆம் ஆண்டு முதல் ஒவ்வோர் ஆண்டும் குடியரசு தினத்தன்று பத்ம விருதுகள் அறிவிக்கப்பட்டு வருகின்றன. பத்ம விபூஷண், பத்ம பூஷண், பத்ம ஸ்ரீ ஆகிய 3 பிரிவுகளின்கீழ் வழங்கப்படும் இந்த பத்ம விருதுகளுக்கு தேர்வானவர்களுக்கு தில்லியில் குடியரசுத் தலைவர் மாளிகையில் நடைபெறும் விழாவில் குடியரசுத் தலைவர் விருதுகளை வழங்கி கௌரவிப்பார்.