கேரள முதல்வரை நீக்க உச்சநீதிமன்றத்தில் ஆளுநர் மனு

கேரளத்தில் உள்ள 2 பல்கலைக்கழகங்களின் துணைவேந்தர்களை தேர்வு செய்யும் நடைமுறையில் இருந்து மாநில முதல்வரை நீக்க வேண்டும் என்று உச்சநீதிமன்றத்தில் கேரள ஆளுநரும், அந்தப் பல்கலைக்கழகங்களின் வேந்தருமான ராஜேந்திர விஸ்வநாத் ஆர்லேகர் செவ்வாய்க்கிழமை மனு தாக்கல் செய்தார்.

- 

ராஜேந்திர விஸ்வநாத் ஆர்லேகர் புது தில்லி, செப்.2:

அந்த மனுவில் அவர் தெரிவித்துள்ளதாவது: கேரளத்தில் உள்ள ஏ.பி.ஜே.அப்துல் கலாம் தொழில்நுட்பப் பல்கலைக்கழகம், கேரள டிஜிட்டல் பல்கலைக்கழகம் ஆகியவற்றுக்கு துணைவேந்தர்களை தேர்வு செய்யும் குழுவின் தலைவராக ஓய்வுபெற்ற உச்சநீதிமன்ற நீதிபதி சுதான்ஷு தூலியாவை, கடந்த ஆக.18-ஆம் தேதி உச்சநீதிமன்றம் நியமித்தது.